ترەمپ هەنگاوی ناوە بۆ داخستنی ئاژانسی ئەمەریکا بۆ گەشەپێدانی نێودەوڵەتی

ئاڤا نیوز

 

لەچوارچێیوەی کەمکردنەوەی خەرجییەکانی دەرەوە، ترەمپ هەنگاوی ناوە بۆ داخستنی ئاژانسی ئەمەریکا بۆ گەشەپێدانی نێودەوڵەتی 'USAID'، ئەمەش بەبیانووی خەرجی ئەو دەزگایە بە تەواوی ڕوون نەکراوەتەوە. 

 

چیرۆکی سەرەکی : لە دوای دەستبەکار بوونی وەک سەرۆکی ئەمریکا، دۆناڵد ترەمپ بەردەوامە لە هەوڵەکانی بۆ کەمکردنەوەی خەرجی ساڵانەی ئەمریکا، بە تایبەت خەرجییەکانی دەرەوە لەو چواچێوەیەشدا تاوەکو ئێستا بڕیاریداوە بە ڕاگرتنی هاوکاری دارایی چەندین ڕێکخراو و دەزگای دیار.

 

لێدوانی فەرمی: سەرۆکی ڕێکخراوی تەندروستی جیهانی (WHO) دەڵێت، ڕاگرتنی پشتیووانییە داراییەکانی ئەمریکا کاریگەری دەبێت لەسەر پڕۆگرامی بەرەنگاربوونەوەی نەخۆشییەکانی، ئایدز و ئیفلیجی منداڵان و ئەنفلۆنزای باڵندە، کە ساڵانە بودجەیەکی زەبەلاحی پێویستە، هاوکات داواشی لە ئیدارەی ترەمپ کردووە کە هاوکارییە داراییەکان بەردەوام بێت تاوەکو چارەسەرێک دەدۆزرێتەوە. 

 

زانیاریی زیاتر: ترەمپ ئێستا هەنگاوی ناوە بۆ داخستن و بڕینی پشتیووانییە داراییەکان بۆ ئاژانسی ئەمەریکا بۆ گەشەپێدانی نێودەوڵەتیی، ئەمەش دوای ئەوە دێت کە وتوویەتی، 'خەرجییەکانی ئەو دەزگایە "بە تەواوی ڕوون نەکراوەتەوە".