دەوڵەت باخچەلی: ئەگەر قەندیل گوێ لە پەیامەکەی ئۆجەلان بگرێت سوودی بۆ هەمووان دەبێت

 

ئاڤا نیوز

دەوڵەت باخچەلی سەرۆکی مەهەپە ڕایگەیاند، پەیامەکەی ئۆجەلان گرنگ و بەهادارە و ئەگەر قەندیل گوێی لێبگرێت سوودی بۆ هەمووان دەبێت.

وێنە گەورەکە: دەوڵەت باخچەلی سەرۆکی مەهەپە دەستپێشخەری ئاگربەستی بۆ حکومەتی تورکیا و پەکەکە کرد و کۆتاییهێنا بە شەڕی چەندین ساڵەی نێوان تورک و کورد و بڵاوکردنەوەی ئاشتی لە ناوچەکەدا.

لێدوانی فەرمی: دەوڵەت باخچەلی سەرۆکی مەهەپە ڕایگەیاند، پەیامەکەی ئۆجەلان گرنگ و بەهادارە و ئەگەر قەندیل گوێی لێبگرێت سوودی بۆ هەمووان دەبێت و مەحاڵە ڕێگە بە تێکدانی برایەتی کورد و تورک بدرێت.

بۆچی گرنگە: ڕاگەیاندنی ئاگربەست سوودی بۆ کورد هەیە و زۆرێک لە شرۆڤەکاران پێیان وایە ڕێککەوتنی کورد و تورک گرنگە بۆ ناوچەکە و کورد دەتوانێت ببێتە بەشێک لە بڕیاری سیاسی تورکیا.

باکگراوند: کاتژمێر 5ـی ئێوارەی ڕۆژی 27ـی شوبات، ئۆجەلان لە پەیامێکیدا بانگەوازی  چەک دانانی لە پەکەکە کرد و پەکەکەش ڕایگەیاند پابەندین بە داواکارییەکەی ئۆجەلان و جێبەجێی دەکەین و شەڕ ڕادەگرین، دواتریش رەجەب تەیب ئەردۆغان، سەرۆککۆماری تورکیا ڕایگەیاند، ئەگەر بەڵێنەکان جێبەجێنەکرێن ئۆپەراسیۆنەکان دژی پەکەکە دەستپێدەکەینەوە.