لە سلێمانی ڕاوچییەک دەستگیرکرا

 

ئاڤا نیوز

تیمێکی پۆلیسی دارستان و ژینگەی گەرمک، توانیان ڕاوچییەک لە سنوورەکەیان دەستگیر بکەن.

بڵاوکراوەی فەرمی: بەڕێوەبەرایەتی پۆلیسی دارستان و ژینگەی پارێزگای سلێمانی، ڕایگەیاند: لەسنووری گوندی کونە ورچ کەسێک کە بۆ ڕاوکردن هاتبووە ناوچەکە، لەلایەن تیمێکی بنکەی پۆلیسی دارستان و ژینگەی گەرمکەوە دەستگیرکرا.

زانیاری زیاتر: تیمەکانی پۆلیس دەستیان بەسەر ئۆتۆمبێلێک، چەکێکی جۆری تاپڕ، پێنج فیشەکی تاپڕ، دوو کەوی زیندوو، چوار دەستە داو و یەک ئامێری دەنگ گرتووە.

ئەوەی پێویستە بیزانیت: پەڕاوی لێکۆڵینەوە بۆ تۆمەتبارەکە کراوەتەوە و ڕادەستی دادوەری لێکۆڵینەوە کراوە، بۆ ئەوەی ڕێکاری یاسایی بەرامبەر بگیرێتەبەر.

بۆچی گرنگە: ئەم جۆرە چالاکیانە دەبێتە هۆکار بۆ کەمبوونەوەی دیاردەی ڕاوکردن، هەروەها پارێزگاری لە گیانی ئاژەڵ و باڵندە کێوییەکان دەکات و ژینگە بە جوانی دەهێڵێتەوە.