گەڕی دووەمی دانووستانی ئاشتی نێوان ڕووسیا و ئۆکراینا دەستیپێکرد

ئاڤا نیوز

 

گەڕێکی دیکەی دانووستاندنی ئاگربەست لە نێوان ڕووسیا و ئۆکراینا بە شاند یاوەری ئەمریکا بەمەبەستی ڕێککەوتنی ئاشتی لە ڕیاز دەستیپێکرد. 

 

وێنە گەورەکە: دوای ئەوەی لە 11-3-2025 گەڕی یەکەمی دانووستان لەنێوان بەرپرسانی ئەمریکا و ئۆکراینا لە سعودییە بەمەبەستی جێبەجێکردنی پڕۆسەی ئاشتی ئۆکراینا و ڕاگەیاندنی ئاگربەست بەڕێوەچوو، ئەمڕۆ دووشەممە گەڕی دووەمی دانووستان بۆ هەمان مەبەست بەڕێوە دەچێت بەڵام بە ئامادەبوونی شاندی ڕووسیاش.

 

ئەوەی لەبارەیەوە دەگوترێت: واشنتن هیواخوازە ئەم کۆبوونەوەیە پێشکەوتنی ڕاستەقینە بەدوای خۆیدا بهێنت، هاوکات لەسەر ئاستی تەکنیکی لەگەڵ شاندەکانی ئۆکراینا و ڕووسیا دانووستانێکی ڕاستەقینە ئەنجام بدەن، بەڵام ئەوەش ڕوونە کە ڕووسیا لەوانەیە ماوەیەکی زۆری بوێت بۆ ڕازیبوونی بە ئاگربەستێک لە ئەگەری جێەجێنەکردنی مەرجەکانی. 

 

ئەمەش بزانە: سەرەڕای ئەوەی هەردوولا پلانی جیاوازیان بۆ ئاگربەستی کاتی پێشنیار کردووە، بەڵام هێرشەکان بێ وەستان بەردەوامن.

 

زانیاریی زیاتر: کرێملین بەهەموو شێوەیەک دانوستانی ڕاستەوخۆی لەگەڵ ئۆکراینا ڕەتکردۆتەوە، بۆیەش ئەمریکا شاندیاوەری ئەم دانوستانە دەکات