ئیسرائیل دەیان فەلەستینیی دیکە لە کەرتی غەززە دەکوژێت

ئاڤا نیوز

بە هۆی هێرشە ئاسمانییەکانی ئیسرائیلەوە بۆ سەر کەرتی غەززە دەیان کەس کوژران.

لێدوانی فەرمی: محەممەد موغایر، بەرپرس لە ئاژانسی بەرگریی شارستانیی غەززە ڕایگەیاند، ئیسرائیل لە هێرشێکیدا بۆ سەر ماڵێک لە ناوچەی جەبالیا لە باکووری کەرتی غەززە لانیکەم 23 کەسی کوشتووە. 

لەلایەکی دیکەوە: ئیسرائیل هێرشی کردە سەر خێوەتێکی کەمپی ئاوارەکانی مەواسی لە شاری خان یونس لە باشووری غەززە و دایک و باوک و سێ منداڵی کوشتن کە دایکەکە دووگیان بووە.

زانیاریی زیاتر: لە ئۆکتۆبەری 2023ـەوە ئیسرائیل بە بەردەوامی هێرش دەکاتە سەر ناوچەی جەبالیا و بەردەوام بۆردوومانی دەکات. سوپای ئیسرائیل چەندین جار ڕایگەیاندووە کە ناوچەکەی بە تەواوەتی کۆنترۆڵ کردووە و حەماسی لەو ناوچانە لەناو بردووە، بەڵام حەماس هێشتا لەو ناوچانە ماوە و هێرش دەکاتە سەر ئیسرائیل.

ئەوەی پێویستە بیزانیت: ئیسرائیل لە ئۆکتۆبەری 2023ـەوە تا ئێستا 51 هەزار و 355 کەسی لە کەرتی غەززە کوشتووە، لەم ژمارەیە هەزار و 978 کەسیانی لە 18ـی ئازاری ئەمساڵەوە کوشتوون.