دیمەنی گۆشتی ئاژەڵ. وێنە؛ ئاڤا میدیا
ئاڤا نیوز
بەڕێوەبەرایەتیی گشتیی سامانی ئاژەڵ و ڤێتێرنەری لە وەزارەتی كشتوكاڵ، بۆ خۆپارێزی لە نەخۆشیی تای خوێنبەربوون، بە پێویستی دەزانێت سەرجەم ئاژەڵە سەربڕاوەكان بە بێ مۆری فەرمیی ڤێتێرنەری، ڕێگە نەدرێت ببرێنە بازاڕەكان.
وێنە گەورەكە: پەیوەست بە كۆنتڕۆڵكردنی نەخۆشیی تای خوێنبەربوون بەتایبەت دوای تۆماركردنی یەكەم حاڵەتی تووشبوون لە هەرێمی كوردستان، وەزارەتی كشتوكاڵ و سەرچاوەكانی ئاوی حكومەتی هەرێمی كوردستان ژمارەیەك ڕێككاری خۆپارێزی ڕاگەیاند و داوای لە هاووڵاتیان و لایەنە پەیوەندیدارەكان كرد پابەندبن پێی.
ڕاگەیێنراوی فەرمی: بەڕێوەبەرایەتیی گشتیی سامانی ئاژەڵ و ڤێتێرنەری، لە ڕاگەیێنراوێكدا جەخت لە قەدەغەكردنی سەربڕینی ئاژەڵ لە ڕێگە و كۆڵان و مەیدانی ئاژەڵان دەكاتەوە، بەپێویستی دەزانێت ئاژەڵە سەربڕاوەكان، بە مۆری فەرمی ڤێتێرنەرییەوە ببردرێتە بازاڕ.
ڕێككارەكان چین:
٠ جه‌ختكردنه‌وه لە قه‌ده‌غه‌كردنی دیارده‌ی سه‌ربرینی ئاژه‌ڵ له ده‌ره‌وه‌ی سەربڕخانە فه‌رمییه‌كان ، بە هەماهەنگی لایەنە پەیوەندارەكان ، له‌به‌رئه‌وه سه‌ربڕینی ئاژه‌ڵ له رێگاكان و كۆلانه‌كان و مه‌یدانی ئاژه‌ڵان قه‌ده‌غه‌یه.
٠ داخستنی ئه‌و شوێنانه‌ی كه ئاژه‌ڵیان لێ سه‌رده‌دبڕێت بەتایبەتی له مه‌یدانی ئاژه‌ڵان و رێگا سه‌ره‌كیه‌كان وه سزادانی یاسایی سه‌رپێچیكاران بەهەماهەنگی لایەنە پەیوەندارەكان.
٠ پێویسته سه‌ربڕینی ئاژه‌ڵ له سه‌ربڕخانه فه‌رمییه‌كان بێت و گۆشت به مۆری فه‌رمی ڤێتێرنه‌ری بچێته بازار، وە لەلایەن لێژنە هاوبەشەكانەوە ئەوشوێنانەی گۆشتی مۆرنەكراوی فەرمی دەفرۆشن دابخرێن وە سزابدرێن.
٠ تووندكردنه‌وه‌ی ڕێوشوێنی پرۆسه‌ی سه‌ربڕینی ئاژه‌ڵ له سەربڕخانە فه‌رمییه‌كان به‌تایبه‌تی له ئه‌نجامدانی پشكنینی پێش سه‌ربڕین وه پشكنینی دوای سه‌ربڕین ، به‌مه‌به‌ستی دڵنیایی له ته‌ندروستی ئاژه‌ڵه‌كان وه سه‌لامه‌تی گۆشتی به‌رهه‌مهاتوو.
٠ گرتنه‌به‌ر و ڕه‌چاوكردنی گشت رێكاره خۆپارێزییه‌كان له سه‌ربڕخانه‌كان له پۆشینی جلی تایبه‌تمه‌ند و ده‌ستكێش، هه‌روه‌ها پاك و خاوێن ڕاگرتنی سەربڕخانەكان و دەوروبەری سەربڕخانەكان وه ڕشاندنیان به ده‌رمانى تایبه‌ت.
٠ قەدەغەكردنی هاتووچۆ و گواستنەوەی ئاژەڵ (مانگا, مه‌ڕ و بزن) بۆ ناوەوە و دەرەوەی هەر ناوچەیەك یان پارێزگایەك ، كە نەخۆشییەكەی تێدا سەرهەڵبدات بەشێوەیەكی كاتی.
٠ قەدەغەكردنی هاوردەكردنی گۆشت و پێستە و بەرووبومی ئاژەڵ لەو ناوچەیەی كە نەخۆشیەكەی تێدا سەرهەڵداوە بەشێوەیەكی كاتی.
٠ جەختكردنەوە لە ڕێگریكردن له هاورده‌كردنی ئاژه‌ڵ به شێوه‌ی نافه‌رمی و بەڕێگەی نایاسایی و به به‌بێ مۆڵه‌تی فه‌رمی وه‌زاره‌تی كشتوكاڵ له‌سنووره‌كانی ده‌ره‌وه ، وه له‌نێوان هه‌رێم و حكومه‌تی فیدراڵ، هه‌روه‌ها كۆنتڕۆڵكردنی خاڵە سنووریەكان بەهەماهەنگی لایەنە پەیوەندارەكان.
٠ كه‌ره‌نتینه‌كانی ڤێتێرنه‌ری له‌مه‌رز و فرۆكه‌خانه‌كان و پشكنینی ورد ئه‌نجامبدریت بۆ ئه‌و ئاژه‌ڵانه‌ی كه دێنه ناو هه‌رێمی كوردستان به‌مه‌به‌ستی دڵنیایی له ته‌ندروستی ئاژه‌ڵه‌كان.
وه‌زاره‌تی تەندروستی رێككاری پێویستی گرتووەته‌به‌ر له ئه‌نجامدانی هه‌ڵمه‌تی ڕشاندنی شوێنی ئاژه‌ڵ و سەربڕخانەكان و مەیدانی ئاژەڵان و شوشتنه‌وه‌ی ئاژه‌ڵ بۆ له‌ناوبردنی مشه‌خۆری ده‌ره‌كی، له‌سه‌ر ئاستی هه‌رێم.
زیاتر لەسەر ئەم بابەتانە بکۆڵەرەوە
دوایین هەواڵەکان
- هەواڵ
- 6 چرکە لەمەوپێش
ئیسرائیل هێرش دەکاتە سەر پۆلیسی فەتا
- هەواڵ
- 1 کاتژمێر لەمەوپێش
ترەمپ: ئێران هەموو پێداویستییەکی لە بەردەستە بۆ دروستکردنی چەکی ئەتۆم
هەڵبژاردەکان بۆ تۆ
پاکستان ترەمپ بۆ نۆبڵی ئاشتیی کاندید دەکات
8 کاتژمێر لەمەوپێش
جگە لە پێنج شوێن ئینتەرنێتی هەموو کوردستان دەوەستێت
8 کاتژمێر لەمەوپێش
هەموو شتێک لەبارەی وێستگە ئەتۆمییەکانی ئێران؛ دوای بۆردوومانکردن مەترسییان چەندە؟
20 حوزەیران
پیتاندنی یۆرانیۆمی ئێران کەی ئاشکرا کرا؟
20 حوزەیران
یۆرانیۆم چییە، لە چی دروست دەکرێت و بۆچی هێندە دەگمەنە؟
20 حوزەیران
