ئاکسیۆس: چاوەروان دەکرێت کۆتایی ئەم هەفتەیە گەڕی چوارەمی دانوستانەکان بکرێت

ئاڤا نیوز

 

ئاکسیۆس لە زاری ستیڤ ویکتۆڤ، نێردەی ترەمپ بۆ ڕۆژهەڵاتی ناوەڕاست وادەی گەڕی چوارەمی دانوستانی وڵاتەکەی لەگەڵ ئێران ئاشکرا دەکات، هاوکات ئەگەری بەڕێوەنەچوونی کۆبوونەوەکەشی لەم هەفتەیدا بۆ هۆکاری گەشتی ترەمپ بۆ ڕۆژهەڵاتی ناوەڕاست دەگەڕێنێتەوە.

 

وێنە گەورەکە: تاوەکو ئێستا ئەمریکا و ئێران سێ خولی دانوستانیان بەنێوەندگیری عومان و بەسەرۆکایەتیی وەزیری دەرەوەی ئێران و نێردەی ترەمپ بۆ ڕۆژهەڵاتی ناوەڕاست ئەنجامداوە، چاوەڕی دەکرێت لەم هەفتەیەدا گەڕی چوارەم دانووستانەکان بەڕێوەبچێت 

 

زانیاریی بەدەستهاتوو: ماڵپەری ئاکسیۆسی ئەمریکی لە زاری ستیڤ ویکتۆڤ، نێردەی دۆناڵد ترەمپ سەرۆکی ئەمریکا ئاشکرا دەکات، ''ئەمریکا کاردەکات بۆ ئەوەی دانوستانەکانی ناڕاستەوخۆ لەگەڵ ئێران تا کۆتایی ئەم هەفتەیە چوارەمین خول بەڕێوەبچێت ، هاوکات ئاشکرای دەکات ئەگەر کۆبوونەوەکە ڕوونەدات، هۆکارەکی سەرەکی سەردانی دۆناڵد ترەمپە بۆ  ڕۆژهەڵاتی ناوەڕاست''

 

کاریگەری  و لێکەوتەکان: هەردوولا ئەنجامی کۆبوونەوەکانیان بەئەرێنی و بەرهەمدار وەسف کردووە، بەڵام کە دواین بڕیاری وەزارتی گەنجینەی ئەمریکا کۆمپانیایەک و شەش کەسایەتیی ئێرانی خستە نێو لستی سزاکانەوە، عەباس عێراقچی، وەزیری دەرەوەی ئێران لەبارەی ئەم سزایانە ئاشکرایکرد، سەپاندنی سزای نوێ کاریگەری نەرێنی لەسەر شێوازی دانوستانەکان دەکات.

 

زانیاریی زیاتر: سەرچاوە ئەمریکییەکان باسی گەڕی چوارەمی دانوستانەکانیان نەکردبوو، کە بڕیاربوو شەممەی ڕابردوو بەڕێوەبچێت بەهۆکاری لۆجیستی دواخرا، بەڵام تاوەکو ئێستا گەڕی چوارەم لەلایەن وەزارەتی دەرەوەی هەردوو وڵات ڕانەگەیێنراوە.