نەتانیاهۆ پلانی هێرشكردنە سەر ڕەفەح واژۆ دەكات

ئاڤا نیوز

سەرۆكوەزیرانی ئیسرائیل پلانی هێرش بۆ سەر ڕەفەح واژۆ دەكات، هاوكات شاندێكی گفتوگۆش ڕەوانەی قەتەر دەكات. 

لێدوانی فەرمی: بنیامین نەتانیاهۆ، سەرۆكوەزیرانی ئیسرائیل، پلانی فراوانكردنی هێرشی سەر غەززە و هێرشكردنە سەر ڕەفەحی واژو كرد و هاوكات ڕایگەیاند: دوای ئەوەی حەماس ئامادەبووە لە گفتوگۆكانی ئاگربەستدا ئیمتیازی زیاتر بدات، شاندێكی ئیسرائیلی بەم زووانە بەرەو قەتەر بەڕێدەكەون.

زانیاریی زیاتر: حەماس سەبارەت بە ئاڵوگۆڕی دیلەكان نەرمی زیاتری نواندووە و وازی لە داواكاریی وەستانی هەمیشەیی شەڕ هێناوە. 

ئەوەی پێویستە بیزانیت: حەماس لە ژێر گوشار و هەڕەشەی قەتەر بۆ دەركردنی بەرپرسانی لەو وڵاتە، ئەم نەرمییانەی نواندووە.