تاوەكو ئێستا ئاگرەكەی شاخی دەلوجە لە قەرەداخ كۆنتڕۆڵ نەكراوە

ئاڤا نیوز

تاوەکو ئێستا ئاگرەکەی شاخی دەلوجە لە قەرەداخ کۆنترۆڵ نەکراوە و زیانی زۆری بە ژینگە و ڕەز و باخی سنوورەکە گەیاندووە.

چیرۆکی سەرەکی: شەوی ڕابردوو ئاگر لە چیای دەلوجە لە چیای قەرەداخ کەوتەوە ، بەهۆیەوە ڕووبەرێکی زۆری پاوان و دارستانی شاخەکە و ڕەز و باخی سنوورەکە سووتاوە.

ڕاگەیێنراوی فەرمی: قایمقامیەتی قەزای قەرەداخ لە ڕاگەیێنراوێکدا ئاماژەی بۆ ئەوە کردووە، هەر لە سەرەتای كەوتنەوەی ئاگرەكە تاوەكو ئێستا هەریەك لە بنكەی ئاگركوژێنەوەی قەرەداخ، سێوسێنان، بەشی پۆلیسی قەرەداخ و دانیشتووانی گوندەكانی ئەو سنوورە و تیمی فڕۆكەوانیی پارێزگای سلێمانی و بنكەی ئاگركوژێنەوەی دەربەندیخان بەردەوام لە ئەرکدابوون بۆ کۆنتڕۆڵکردنی ئاگرەکە، بەڵام بە هۆكاری بوونی پووش و پاوانی زۆر و فراوانيی شوێنەكە و سەختیی ناوچەكە ئاگرەكە كۆنتڕۆڵ نەكراوە.

زانیاریی پەیامنێر: بە پێی زانیارییەکانی چۆمان مەحموود، پەیامنێری ئاڤا میدیا، ئاگرەکە تا ئێستا تەواو کۆنتڕۆل نەکراوە، لە هەندێ شوێن کە ئاگرەکە کۆنترۆڵ کرابوو،  و بەهۆی پوش و پاوانەوە جارێکی دیکە ئاگر کەوتووەتەوە.

لێدوانی فەرمی: هێمن كەمەرخان، گوتەبێژی پۆلیسی دارستانی سلێمانی بە ئاڤای گوت: ڕووبەرێکی فراوانی دارستان سووتاوە و زیانی زۆری بە ژینگەی سنوورەکە گەیاندووە ، لەگەڵ هەوڵەکانی کۆنترۆڵکردنی ئاگرەکە لێکۆڵینەوەش لە هۆکاری کەوتنەوەی ئاگرەکە دەستی پێکردووە.