ئەمریكا پڕۆژەیەك لەبارەی غەززە دەداتە ئەنجوومەنی ئاسایش

ئاڤا نیوز

 

ئەمریكا پڕۆژەیەك بۆ ئاگربەست لەنێوان ئیسرائیل و گرووپە چەكدارەكان لە كەرتی غەززە دەداتە ئەنجوومەنی ئاسایشی نێودەوڵەتی.

 

چیرۆكی سەرەكی: بۆ چارەسەركردنی كێشەكانی نێوان گرووپە چەكدارەكان و ئیسرائیل لە كەرتی غەززە، ئەمریكا پرۆژەیەكی داوەتە ئەنجوومەنی ئاسایشی نێودەوڵەتی و جەخت لە ڕاگرتنی شەڕ و گەیاندنی هاوكاری مرۆیی دەكرێتەوە. 

 

ئەوەی پێویستە بیزانیت: پرۆژەكە لە چەند خاڵێك پێكدێت، دیارترینیان ئاگربەستی بەپەلە و ڕاوەستانی شەڕ و پاراستنی گیانی هاووڵاتیان و كەمكردنەوەی پێكدادانەكان و ئاڵۆزییەكانە، هەروەها ڕێگەخۆشكەرە بۆ ئەوەی هاوكاری بەپەلە و بێ وەستان بگات بە ئاوارەكان.

 

بۆچی گرنگە؟ لەماوەی ڕابردوودا چەندین پڕۆژە دراونەتە ئەنجوومەنی ئاسایش بۆ جێبەجێكردنی ئاگربەست و ڕێككەوتن لەنێوان گرووپە چەكدارەكان و ئیسرائیل، بەڵام هیچ پرۆژەیەك جێبەجێ نەكراوە و چەندین جاریش ئەمریكا پرۆژەی چین، ڕووسیا و چەند لایەنێكی دیكەی ڤیتۆ كردووە.