تەندروستیی جیهانی: "تەنیایی" لەهەر کاتژمێرێکدا 100 کەس لەسەرتاسەری جیهان دەکوژێت

ئاڤا نیوز

ڕێکخراوی تەندروستیی جیهانی لە نوێترین ڕاپۆرتیدا ئاشکرای دەکات، لە هەر کاتژمێرێکدا 100 کەس لە جیهاندا بەهۆی "تەنیایی"ـەوە گیان لەدەستدەدەن.

ڕاگەیێنراوی فەرمی: لیژنەی پەیوەندیی کۆمەڵایەتیی ڕێکخراوی تەندروستیی جیهانی لە ڕاپۆرتێکیدا ڕایگەیاند: لە شەش کەس لە جیهاندا کەسێک تووشی تەنیایی بووە بەشێوەیەک لەهەر کاتژمێرێکدا 100 کەس لە جیهان بەو هۆیەوە گیان لەدەستدەدەن واتە ساڵانە 871 هەزار کەس بەهۆکاری تەنیایی ماڵئاوایی لەژیان دەکەن.

زانیاریی زیاتر: تەنیایی کاریگەریی دەکاتە سەر هەموو تەمەنەکان بە تایبەتی ئەو گەنجانەی لە وڵاتانی هەژار یان خاوەنی داهاتی مامناوەند دەژین، 17 بۆ 21%ـی ئەوانەی تەمەنیان لەنێوان 13 بۆ 29 ساڵە هەست بە تەنیایی دەکەن.

چارەسەرەکان: پەیوەندیی باشی کۆمەڵایەتی، تەندروستیی مرۆڤەکان بە درێژایی تەمەنیان بە باشی دەهێڵێتەوە، هاوکات تووشبوون بە نەخۆشیی مەترسیدار کەمتر دەکاتەوە، تەندروستیی عەقڵ باشتر دەکات و ڕێگر دەبێت لە مردنی پێشوەختە و ئەگەری تووشبوون بە هەوکردنیش کەم دەکاتەوە.