ڕۆیتەرز: دەستپێکردنەوەی هەناردەکردنی نەوتی کوردستان نزیکە

ئاڤا نیوز

لەبارەی دووبارە هەناردەکردنەوەی نەوتی هەرێمی کوردستان، سەرچاوەیەک بۆ ڕۆیتەرز ئاشکرای کردووە، بەغدا و هەولێر لە ڕێککەوتن بۆ دەستپێکردنەوەی هەناردەکردنی نەوتی کوردستان نزیکبوونەتەوە.

زانیاریی بەدەستهاتوو: سەرچاوەیەکی ئاگادار لە دانوستانەکان بە ئاژانسی ڕۆیتەرزـی ڕاگەیاندووە، عێراق ڕەزامەندی سەرەتایی لەسەر پلانێک داوە بۆ دەستپێکردنەوەی هەناردەکردنی نەوتی کوردستان لە ڕێگەی بەندەری جەیهانی تورکیاوە '.

زانیاریی زیاتر: بەگوێرەی ڕێککەوتنی نێوان حکومەتی عێراق و حکومەتی هەرێمی کوردستان و کۆمپانیاکانی نەوت، لانیکەم 230 هەزار بەرمیل نەوتی کوردستان لە ڕۆژێکدا هەناردەی بازاڕەکانی جیهانیی دەکرێت.

باکگراوند: بە بڕیاری دادگای ناوبژیوانیی پاریس لە 2023-03-25، هەناردەکردنی نەوتی هەرێمی کوردستان بۆ بازاڕەکانی جیهان ڕاگیرا، سەرەڕای پابەندییەکانی حکومەتی هەرێمی کوردستان بە ڕێککەوتنەکان لەگەڵ حکومەتی عێراق بۆ هەناردەکردنەوەی نەوتەکە، بەڵام تاوەکو ئێستا ئەو کێشەیە چارەسەر نەبووە.