وەزارەتی دارایی بڕیاری دا بە لێخۆشبوونی 15%ـی قەرز و پێشینەکان

ئاڤا نیوز

بەمەبەستی کارئاسانی بۆ هاووڵاتیانی سوودمەند لە پێشینە و قەرزەکانی بانکەکانی سەر بە وەزارەتی دارایی و ئابووری، بڕیار درا بە لێخۆشبوونی  15% بۆ گشت قەرز و پێشینەکان.

نووسراوی فەرمی: ئەمڕۆ یەکشەممە 21-9-2025، وەزارەتی دارایی و ئابووریی هەرێمی کوردستان ڕایگەیاند، "لەسەر پێشنیازی وەزارەتمان و پاڵپشت بە بڕیاری ئەنجوومەنی وەزیران، بەمەبەستی کارئاسانی بۆ هاووڵاتیانی سوودمەند لە پێشینە و قەرزەکانی بانکەکانی سەر بە وەزارەتی دارایی و ئابووری، ڕێنمایی بۆ سوودمەندانی پێشینە و قەرزی بانکەکان دەرکرا".

بەپێی نووسراوەکە، بڕیاردرا بە لێخۆشبوونی 15% بۆ گشت قەرز و پێشینەکانی "خانووبەرە، نیشتەجێبوون، کشتوکاڵی، پیشەسازیی و گەشتوگوزار". هاوکات لێخۆشبوون لە سوودی دواکەوتن بۆ سوودمەندان لە پێشینەکان.

زانیاریی زیاتر: ئەم ڕێنماییە لەڕێککەوتی دەرچوونی لە 10-9-2025 تا کۆتایی ئەمساڵ 31-12-2025 کاری پێدەکرێت.