پڕۆسەی دەنگدانی گشتی لە عێراق بەڕێوەدەچێت

ئاڤا نیوز

بە بەشداری زیاتر لە 20 ملیۆن دەنگدەر لە تەواوی پارێزگاکانی عێراق و هەرێمی کوردستان، پڕۆسەی دەنگدان بۆ خولی شەشەمی پەرلەمانی عێراق دەستیپێکرد و هاووڵاتییان ڕوویان لە ناوەندەکانی دەنگدان کردووە.

چیرۆکی سەرەکی: ئەمڕۆ سێشەممە 11-11-2025 بە بەشداری 20,063,773 دەنگدەر لە سەرانسەری عێراق کە دابەشبوون بەسەر 8,703 بنکەی دەنگدان و 39,285 وێستگەی دەنگدان لە سەرانسەری پارێزگاکانی وڵات، کە تێکڕای ژمارەی دەنگدەران لە هەر بنکەیەکی دەنگدان نزیکەی 2,305 دەنگدەرە، پڕۆسەی دەنگدان بۆ خولی شەشەمی پەرلەمانی عێراق دەستیپێکرد. 


زانیاریی زیاتر: سەرجەم ئەو ناوەندانەی کە دەنگیان تێدا دەدرێت لە کاتژمێر 7:00ـی بەیانییەوە کراونەتەوە و  تاوەکو کاتژمێر 6:00ـی ئێوارەش پڕۆسەکە بەردەوام بێت، پڕۆسەکەش لە کەشێکی ئەمنیی تایبەت بەڕێوەدەچێت و سەرجەم بنکەکانیش لەلایەن کۆمیسیۆنی باڵای سەربەخۆی هەڵبژاردنەکان چاودێری دەکرێن. 

لەلایەکی دیکەوە: نێچیرڤان بارزانی، سەرۆکی هەرێمی کوردستان وەکو یەکەم کەس لە شاری هەولێر دەنگی دا و دواتر لە کۆنگرەیەکی ڕۆژنامەوانیدا ڕایگەیاند: هیوادارین ئەم هەڵبژاردنە سەرەتای قۆناغێکی نوێ بێت بۆ گەلی عێراق چونکە گەلی عێراق شایستە ژیانێکی باشتر و شایستەترن.




نوێدەکرێتەوە...