ناوی سەرووی چوار هەزار کەس بۆ حەجی ساڵی داهاتوو دەرچوو

ئاڤا نیوز

تیروپشک حەجخوازانی ساڵی 2026 ئەنجام درا، سەرووی چوار هەزار هاووڵاتی کە بەشێکیان کەس و کاری شەهیدانن ساڵی داهاتوو فەڕیزەی حەج بەجێدەگەیێنن، لەماوەی ڕۆژانی داهاتووشدا تیروپشک بۆ ناوی زیاتر لە 170 ناوی دیکە دەکرێت.

چیرۆکی سەرەکی: پێشنیوەڕۆی ئەمڕۆ یەکشەممە فەرمانگەی تەکنەلۆژیای زانیاری، تیروپشکی ناوی حاجیان ئەنجامدا، سێ هەزار و 901 کەس ناویان بۆ حەج دەرچوو و 113 کورسی دیکەش بۆ کەسوکاری شەهیدان تەرخانکراوە.

لێدوانی فەرمی: کاروان ستوونی، وتەبێژی بەڕێوەبەرایەتیی گشتیی حەج و عومرەی کوردستان بە ئاڤای گوت، "لەماوەی ڕۆژانی داهاتوو تیروپشک بۆ سەرووی 170 کەسی دیکە دەکرێت، کە مامۆستای ئایینی، لیژنەی پزیشکی و کۆمپانیاکان لەخۆدەگرێت."

زانیاریی زیاتر: لە کۆی 89 هەزار داواکاری چوار هەزار و 23 کەس ناویان گەڕاوەتەوە، کە بۆ قەزاکان بەگوێرەی داواکاری و لەسەر ئاستی پارێزگاکانیش لەسەر بنەمای ژمارەی دانیشتووان کورسییەکان دابەش کراون، جگە لەوەی هەزار و 150 کەس بە یەدەگ ناویان دەرچووە و 113 پێگەی یەدەگیش بەر کەس و کاری شەهیدان کەوتووە.

بەستەری بینینی ناوی حەجخوازان