کۆتایی ئەم هەفتەیە بەغدا دەست بە ناردنی پارە بۆ هەرێمی کوردستان دەکات

ئاڤا نیوز 

 

دوای ئەوەی وەزارەتی دارایی هەرێمی کوردستان لیستی مووچەی ڕەوانەی بەغدا کرد، ئێستا دەست بە وردبینیکردنی کراوە و بڕیارە ڕۆژی پێنجشەممە دەست بە ناردنی پارەکە بکرێت.

 

وێنە گەورەکە: لە چوارچێوەی لێکتێگەیشتنی هەردوو سەرۆکوەزیران بارزانی و سوودانی بۆ چارەسەرکردنی کێشەی مووچە و دوورخستنەوەی مووچە لە کێشە سیاسییەکان، بەغدا لە بەرامبەر ئەو نەوتەی هەرێمی کوردستان دەیدات، مانگانە پارە بۆ دابەشکردنی مووچە دەنێرێت.

 

لێدوانی فەرمی: "لیستی مووچەی فەرمانبەران گەیشتووەتە وەزارەتی دارایی عێراق و وردبینیی تێدا دەکرێت، چاوەڕوان دەکرێت تاوەکو پێنجشەممە وردبینی تەواوبێت و پارەکە بخرێتە سەر هەژماری بانکیی هەرێمی کوردستان." د. نەرمین مەعرووف، ئەندامی لیژنەی دارایی لە ئەنجوومەنی نوێنەرانی عێراق وای بە ئاڤا نیوز گوت.