مەحموود عەباس: دەبێت جیهان ددان بە دەوڵەتی فەڵەستیندا بنێت

ئاڤا نیوز

 

لە كۆبوونەوەی لووتكەی كۆمكاری عەرەبیدا، سەرۆكی دەسەڵاتی فەڵەستین گوتارێكی پێشکەش كرد و ڕایگەیاند، ئیسرائیل بە هاوكاریی ئەمریكا هەزاران منداڵی "كوشتووە" و دەبێت جیهان ددان بە دەوڵەتی فەڵەستیندا بنێت.

 

وێنە گەورەكە: ئەمڕۆ لە لووتکەی کۆمکاری عەرەبی، سەرۆك و سەرۆكوەزیرانی وڵاتانی عەرەبی لەبارەی دۆخی غەززەوە كۆبوونەوە و سەرەڕای ئیدانەکردنی هێرشەکانی سەر ئیسرائیل، سەرۆكی دەسەڵاتی فەڵەستین نیگەرانیی خۆی لە هێرشی سەر غەززە دەربڕی. 

 

لێدوانی فەرمی: مەحموود عەباس، سەرۆكی دەسەڵاتی فەڵەستین ڕایگەیاند: "منداڵ و ژنەكانمان لە كەرتی غەززە بە دەستی ئیسرائیل و بە هاوكاریی ئەمریكا دەكوژرێن، ئەمریكا چوارجار لە ئەنجوومەنی ئاسایش ئەندامیەتیی ئێمەی لە ئەنجوومەنی ئاسایش ڤیتۆ كردووە".