دەیان وڵات بەشداری لە ڕێوڕەسمی بەخاکپساردنی تەرمی ڕەئیسی دەكەن

ئاڤا نیوز

 

تەرمی ڕەئیسی لە مەزاری ئیمام ڕەزا لە مەشهەد بەخاك دەسپێردرێت و نوێنەری زیاتر لە 20 وڵات، تاجەگوڵینە لەسەر گۆڕەکەی دادەنێن.

 

وێنە گەورەكە: وەك هاوخەمییەك بۆ گیان لەدەستدانی سەرۆككۆماری ئێران، نوێنەری زیاتر لە 20 وڵات بەشداری لە ڕێوڕەسمی ناشتنەكەیدا دەكەن و تاجەگوڵینە لەسەر گۆڕەكەی لە مەشهەد دادەنێن.

 

بۆچی گرنگە: بەشداری ئەو وڵاتانە لە ناشتنی تەرمی سەرۆككۆماری ئێراندا، دەبێتە هۆكارێك بۆ دروستكردنی ئاشتەوایی و لێكنزیكبوونەوەی ئێران و ئەو وڵاتانە.

 

ئەوەی پێویستە بیزانیت: هەریەكە لە ئەمریكا، بەریتانیا، ڕووسیا، بەشێکی وڵاتانی ئەوروپا و چەندین وڵاتی عەرەبی هاوخەمی خۆیان ئاراستەی ئێران كردووە بە بۆنەی گیان لەدەستدانی ڕەئیسییەوە.