بە تۆمەتی بڕینی 97 داری سرووشتی هاووڵاتییەک دەستگیر دەکرێت

ئاڤا نیوز

پۆلیسی دارستانی سەنگاو، کەسێکیان بە تۆمەتی بڕینی 97 داری سرووشتی دەستگیرکردووە.

ڕاگەیێنراوی فەرمی: بەرێوەبەرایەتی پۆلیسی دارستان و ژینگەی پارێزگای سلێمانی ڕایگەیاند: دوای ئاگادارکردنەوەمان کە هاووڵاتییەک لە سنووری گوندی فەقێ مستەفا ژمارەیەک داری سرووشتی بڕیوەتەوە، مەفرەزەیەکی بنکەی پۆلیسی دارستانی سەنگاو گەیشتنە شوێنی دیاریکراو و ئەو هاووڵاتییەیان دەستگیر کرد.

زانیاریی زیاتر: جگە لە دەستگیرکردنی تۆمەتبارەکە، دەستیش بەسەر دوو مشاردا گیراوە کە دارەکانی پێ بڕیوەتەوە.

بۆچی گرنگە: دەستگیرکردنی ئەو کەسانە وادەکات زیانگەیاندن بە ژینگەی سرووشتی کەمتر ببێتەوە.