ئەنجامی بەرایی هەڵبژاردنی ئێران؛ 19 ملیۆن دەنگ جیاکراونەتەوە

ئاڤا  نیوز

كۆمیسیۆنی باڵای سەربەخۆی هەڵبژاردنەكانی ئێران دوایین ئەنجامی بەرایی 19 ملیۆن دەنگی  هەڵبژاردنەكانی سەرۆكایەتی ئێرانی ڕاگەیاند، بەپێی ئەنجامەکەش مەسعوود پزیشكیان کە دایکی کوردە و خەڵکی مهابادە، لەپێشە و زۆرترین دەنگی بەدەستهێناوە.

وێنە گەوەكە: ڕۆژی هەینی پرۆسەی هەڵبژاردنی سەرۆکایەتیی ئێران بەڕێوەچوو. دوای سێجار درێژکردنەوە لە کۆی 61 ملیۆن کەس کە مافی دەنگدانیان هەبوو، 24 ملیۆن کەس کە دەکاتە 39٪ بەشدارییان کرد.

 

ژمارەكان وادەڵێن: تاوەکو ئێستا 19 ملیۆن و 69 هەزار و 713  دەنگ جیاکراونەتەوە، ئەنجامەکە بەمشێوەیە:


مەسعوود پزیشكیان: هەشت ملیۆن و 302 هەزار و 577 دەنگ کە دەکاتە 43.7%.

‎سەعید جەلیلی: حەوت ملیۆن و 189 هەزار و 756 دەنگ کە دەکاتە 37.4%..

‎محەممەد باقر قالیباف: دوو ملیۆن و 672 هەزار و 512 دەنگ کە دەکاتە 14.%.

‎مستەفا پورمحەممەدی: 158 هەزار و314 دەنگ کە دەکاتە 0.48%.

ئەوەی پێشبینی دەكرێت: هەڵبژاردن لە نێوان مەسعوود پزیشكیان و سعید جەلیلی بچنە قۆناغی دووەمەوە، بەهۆی ئەوەی هیچ كام لە بەربژێرەكان ناتوانن 50+1 ی دەنگەكان بەدەستبهێنن.