لە ژاپۆن ئامێرێک پێشبینی وازهێنان لە کارەکەت دەکات

ئاڤا نیوز

 

توێژەرانی ژاپۆنی ئامرازێکی زیرەکی دەستکرد دروست دەکەن کە پێشبینی دەکات کەی کارمەندان واز لە کارەکانیان دێنن.

 

وێنە گەورەکە: بەمزووانە خاوەنکاران دەتوانن پشت بە ئامرازێکی زیرەکی دەستکرد ببەستن، بۆ ئەوەی بزانن ئەو کارمەندانەی کە ئەگەری جێهێشتنی کۆمپانیاکەیان هەیە کەی دەست لەکار دەکێشنەوە.

 
ئەوەی پێویستە بیزانیت: ئامرازەکە لەلایەن مامۆستایەکی زانکۆی تۆکیۆ سیتی بە هاوکاری کۆمپانیایەکی ناوخۆیی دەستپێشخەری دروستکراوە، داتای کارمەندان شیدەکاتەوە، لە ڕێژەی ئامادەبوونیان لە شوێنی کارەکانیانەوە دەستپێدەکات تا دەگاتە زانیاری کەسی دەربارەیان، وەک تەمەن و ڕەگەزیان.

 

هۆکارە زانراوەکان: توێژەرانی ژاپۆنی ئەم ئامرازەیان دروستکردووە بۆ یارمەتیدانی کۆمپانیاکان بۆ ئەوەی بزانن کەی کارمەندەکانین دەست لە کار دەکێشنەوە، تاکو پشتگیریان بکەن و  پەشیمانیان بکەنەوە لە وازهێنان.