شاخەوان عەبدوڵڵا زانیاریی نوێ لەبارەی هۆکاری دواکەوتنی مووچەی فەرمانبەران ئاشکرا دەکات

ئاڤا نیوز

لەسەر پرسی موچەی فەرمانبەرانی هەرێمی کوردستان، جێگری سەرۆکی پەرلەمانی عێراق، داوای لە سەرۆککۆمار و وەزیرە کوردەکان و سەرجەم فراکسیۆنە کوردستانییەکان کرد، هەفتەی داهاتوو کۆبوونەوەیەک بکەن.

 

وێنە گەورەكە: دوای تێپەڕبوونی  مانگێک بەسەر لیستی مووچە بۆ بەغدا، وەزارەتی دارایی عێراق داوای لە وەزارەتی دارایی و ئابووری هەرێمی کوردستان کرد گۆڕانکاری لە لیستی مووچەخۆراندا بکەن و  ئەمڕۆ دووبارە لیستەکە بۆ بەغدا نێردراوەتەوە.

لێدوانی فه‌رمی: شاخەوان عەبدوڵڵا، جێگری سەرۆکی پەرلەمانی عێراق ڕایگەیاند: دوێنێ 21 ی ئاب نیگەرانی خۆمان و خەڵکی کوردستانم گەیاندە محەممەد شیاع سوودانی سەرۆکوەزیرانی عێراق کە هەر جارەو بەبیانوویەک موچەی فەرمانبەرانی کوردستان دوادەخرێت. 

زانیاریی زیاتر: نمونەی هەردوو خاڵی چوار و پێنجـی ڕاپۆرتی وەزارەتی داراییم لەگەڵ سوودانی و تەیف سامی وەزیری دارایی عێراق باسکرد، کە ناوەرۆکەکەی دەڵێت دەبێت ئەو فەرمانبەر و مامۆستایانەی لەکەرکووک و خانەقینن ناویان لە لیستی مووچەی فەرمانبەرانی هەرێمی کوردستان ڕەش بکرێتەوە. شاخەوان عەبدوڵڵا وا دەڵێت. 

قووڵتر: دوای ئەوەی ڕوونمان کردەوە ئەو مامۆستا و فەرمانبەرانە ئەوانەن  کە ساڵانێکە هەوڵ دەدەین بگوازرێنەوە سەر حکومەتی فیدراڵی، وەزیری دارایی بەڵێنی دا ئەو پرسە چارەسەر بکات . شاخەوان عەبدوڵڵا وای گوت.