ئێران هەڕەشەی وەڵامدانەوە و دەستبەسەرداگرتنی کەشتییە بیانییەکان دەکات

ئاڤا نیوز

 

لەبارەی دەستبەسەرداگرتنی نەوتی ئێران لەلایەن ئەمریکا، ڕاوێژکاری یاسایی سەرۆککۆماری ئەو وڵاتە هەڕەشە دەکات کە هەمان وەڵامیان دەبێت.

 

چیرۆکی سەرەکی:  وەزارەتی دادی ئەمریکا دەستبەسەرداگرتنی 520 هەزار بەرمیل نەوتی ئێرانی بە بەهای 25 ملیۆن دۆلار ڕاگەیاندووە، بەبێ ئاشکراکردنی شوێنەکەی.

 

هیچ زانیارییەکی پشتڕاستکراوە لەلایەن ئێرانەوە لەبارەی هەواڵەکە نییە. ئەمە لەکاتێکدایە ئەمریکا هەندێکجار دەست بەسەر کەشتی بیانیدا دەگرێت و بەهەڵە بە ئێرانی ناودەبات.

 

لێدوانی فەرمی: محەممەد دەهقان، ڕاوێژکاری یاسایی سەرۆککۆماری ئێران ڕایگەیاندووە، وڵاتەکەی هەمان وەڵام دەداتەوە ئەگەر دەستبەسەر کەشتییەکانیاندا بگیرێت، وێڕای ئەمە پەنا بۆ لایەنی یاساییش دەبات.

 

باکگراوند: لەدوای هەڵگیرسانی جەنگی غەززە ئاڵۆزی دەریای سووریشی گرتووەتەوە و حوسییەکانی نزیک لە ئێران بەردەوام کەشتییە بازرگانییەکانی ئەمریکا و بەریتانیا دەکەنە ئامانج، ئەو دوو وڵاتەشە ئۆپەراسیۆنی هاوبەشیان پێکهێناوە و چەندینجار هێرشیان کردووەتە سەر حوسییەکان.