عەلی تەتەر: شێخان جوانترین نموونەی پێكەوەژیانە لە هەرێمی كوردستان

ئاڤا نیوز 

 

سەرۆکوەزیران مەسرور بارزانی سەردانی قەزای شێخان دەکات، هاوکات لە ڕێوڕەسمێکدا بەردی بناغەی جووتسایدی شێخان - لالش دادەنێت.

 

وێنە گەورەکە: سەرۆکوەزیران مەسرور بارزانی بەردی بناغەی ڕێگای نێوان شێخان- لالش کە درێژییەکەی 12 کیلۆمەتر بە گوژمەی 28 ملیار دینار دادەنێت و پارێزگاری دهۆکیش باسی پرۆژە خزمەتگوزارییەکانی ناوچەکە دەکات.

 

لێدوانی فەرمی: عەلی تەتەر، پارێزگاری دهۆک ڕایگەیاند: 161 پرۆژە بە گوژمەی 296 ملیار و 587 ملیۆن دینار بۆ قەزای شێخان جێبەجێکراون، لەو ژمارەیە 126 پرۆژە کەوتووەتە خزمەتی هاووڵاتییانەوە و 15 پرۆژەش کاری تێدا دەکرێت، هاوکات 20 پرۆژە لە قۆناغی تەندەرن.

 

پارێزگاری دهۆک سوپاسی سەرۆکوەزیران مەسرور بارزانی کرد و گوتی: لەسەر ڕاسپاردەی سەرۆکوەزیران، لە ماوەیەکی نزیکدا زیاتر لە 80 پرۆژەی دیکە بە گوژمەی 10 ملیار 672 ملیار دینار لە سەنتەری قەزای شێخان و دەورووبەری بەردی بناغەیان بۆ دادەنرێت.

 

باکگراوند: ڕێگای شێخان – لالش ڕێگای سەرەکی کوردانی ئێزدییە بۆ پەرەستگای لالش، هاوکات پرۆژە خزمەتگوزارییەکانی ناوچەکە خزمەتی هەموو چین و توێژەکان و پێکەوە ژیانی ناوچەکە دەکات.