ئێران پاڵپشتی خۆی بۆ سووریا ڕادەگەیێنێت

ئاڤا نیوز

 

وەزارەتی دەرەوەی ئێران پشتیووانی خۆی بۆ سووریا ڕادەگەیێنێت، ئەمەش دوای هاتنەئارای ئەو گرژییانە دێت کە لەماوەی چەند ڕۆژی ڕابردوو بەهۆی هێرشی چەکدارییەوە دروستبووە.

 چیرۆکی سەرەکی: ماوەی چەند ڕۆژێکە هێرشە چەکدارییەکان و پێکدادانەکان لە شارەکانی حەلەب و ئیدلیب بەرەو ئاڵۆزی و پێکدادانی زیاتر چووە. هەر بەهۆی ئەو گرژیی و ئاڵۆزییانەوە تاوەکو ئێستا زیاتر لە 200 کەس کوژراون.

 

ڕاگەیێنراوی فەرمی: عەباس عێراقچی، وەزیری دەرەوەی ئێران لە پەیوەندییەکی تەلەفۆنیدا لەگەڵ هاوتا سوورییەکەی بەسام سباغ، جەختی لە درێژەی پشتیووانی ئێران لە حکومەتی سووریا و خەباتی دژ بە تیرۆر کردەوە.