ئێران ڕێککەوتنێکی تایبەت بە غاز لەگەڵ عێراق پێشێلدەکات

ئاڤا نیوز 

 

ئێران ڕێککەوتنێکی سەبارەت بە دابینکردنی غاز بۆ عێراق پێشێلکردووە، ئەمەش بووەتە هۆی کەمبوونەوەی کاتژمێرەکانی پێدانی کارەبای نیشتمانی لەزۆربەی پارێزگاکانی عێراق.   

 

چیرۆكه‌ سه‌ره‌كیه‌كه‌: بەپێی رێككەوتنی نێوان بەغدا و تاران سەبارەت بە دابینکردنی غازی ئێرانی بۆ وێسگەکانی کارەبا لە عێراق،  پێویستە ئێران ڕۆژانە بڕی 10 بۆ 20 ملیۆن مەتر سێجا غاز هاوردەی عێراق بکات.

 
لێدوانی فەرمی: ئەحمەد موسا گوتەبێژی وەزارەتی کارەبای عێراق ڕایگەیاند: ئێران بەتەواوی هەناردەکردنی غازی بۆ عێراق ڕاگرتووە، ئەمەش پێشێلکردنی ئەو ڕێککەوتنەیە کە پێشتر لە نێوان هەردوو وڵات کراوە. 

 

موسا ئاماژەی بەوەش کرد، بەو هۆیەوە زۆربەی وێستگەکانی بەغدا و فوراتی ناوەڕاست لەکارکەوتوون و پێدانی کاتەکانی کارەباش بەتەواوی دابەزیوە.

  

ئەمەش بزانە: ئێستا پێدانی کارەبای نیشتمانی لە پارێزگای بەغدا و بەشێک لەپارێزگاکانی باشوور بۆ کەمتر لە شەش کاتژمێر لەڕۆژیکدا دابەزیوە.