پارێزگاری واست: وەزارەتی دارایی قەیرانی نەختینەی هەیە

ئاڤا نیوز

پارێزگاری واست، ڕاگرتنی هەندێک لە پرۆژەکان و تەواونەکردنی پلانی ئاوەدانکردنەوە بۆ ئەو ناوچانەی کە ماونەتەوە لە سەرجەم قەزا و ناحیە و گوندەکانی پارێزگاکە بۆ نەبوونی نەختینە لە وەزارەتی دارایی دەگەڕێنێتەوە و دەشڵێت، پێویستیان بە 600 ملیار دینار هەیە تاوەکو چەند پرۆژەیەکی خزمەتگوزاری ڕابگەیێنن. 

 

وێنە گەورەکە: زۆربەی پارێزگاکانی باشووری عێراق بەدەست قەیرانی نەختینەوە دەناڵێنن و لە خشتەکانی بودجە سێ ساڵییەکە بڕێکی کەمیان بۆ تەرخان نەکراوە و تاوەکو ئێستاش ئەو بڕەیان بە تەواوەتی بەهۆی نەبوونی نەختیینەوە بەدەست نەگەیشتووە. ئەمەش هۆکار بووە لە تەوانەکردنی پرۆژە خزمەتگوزارییەکان لەو پارێزگایانە. 

 

ڕاگەیێنراوی فەرمی: محەممەد جەمیل مەیاحی، پارێزگاری واست لە ڕاگەیێنراوێکدا کە ئاراستەی خەڵکی پارێزگاکەی ڕوونکردنەوە لەسەر تەواونەبوونی پرۆژەکان دەخاتەڕوو و ئاماژە بۆ ئەوە دەکات:

 

- نەبوونی نەختینەیی دارایی لە وەزارەتی داراییەوە لە ئەنجامی قەیرانی نەختینەیی و بەردەستبوونیەتی، هێشتا نزیکەی 50%ی تەرخانکراوەکانی پارێزگاکە بۆ ساڵانی 2023-2024 لەلایەن وەزارەتی داراییەوە نەدراوە.

 

- بەهۆی تەرخاننەکردنی بودجە، بۆ ساڵی 2024 هیچ پڕۆژەیەکی نوێمان نەخستە پلان، ئەو چەند پڕۆژەیەشی کە ماون هی پلانی 2023 بووە گواستراوەتەوە 2024.

- بەهۆی دۆخی دارایی وڵاتەوە، لەو باوەڕەدا نین بۆ ئەمساڵیش لە خشتەی بودجەی 2025، هیچ پرۆژەیەکی نوێ بۆ پارێزگاکەمان هەبێت.

 
- پارێزگاکەمان بۆ تەواوکردنی سەرجەم خزمەتگوزارییەکانی ژێرخان لەسەنتەری شار و سەرجەم قەزا و ناحیەکان، پێویستی بە 600 ملیار دینار هەیە.