شاندێکی تەکنیکی وەزارەتی دارایی بۆ پرسی مووچەی خانەنشینان دەچێتە بەغدا

ئاڤا نیوز

 

شاندێکی تەکنیکی وەزارەتی دارایی و ئابووری هەرێمی کوردستان، تایبەت بە خانەنشینان ئەمڕۆ دەچێتە بەغدا، لەگەڵ هاوتاکانیان گفتوگۆ لەسەر ئەو پرسانە دەکەن کە چارەسەر نەکراون، لەنێویشیاندا کەمبوونەوەی مووچەی خانەنشینانی سەربازیی پلەدار.

 

وێنە گەورەکە: لە پرۆسەی هاوتاکردنی مووچەی خانەنشینی هەرێمی کوردستان لەگەڵ عێراق، چەند گرفتێک لە مووچەی بەشێک لە خانەنشینان بەتایبەت خانەنشینانی سەربازی دروستبووە و پێویستی بە هەماهەنگی و لێکتێگەیشتنی زیاترە بۆ چارەسەرکردنی کێشەکە.

 

زانیاریی تایبەت: سەرچاوەکەیەکی باڵا، لە بەڕێوەبەرایەتیی گشتیی خانەنشینی هەرێمی کوردستان بە ئاڤای گوت، "مریەم عوسمان، بەڕێوەبەری گشتیی خانەنشینیی كوردستان سەرۆکایەتیی شاندێکە دەکات بۆ بەغدا، بەو ئامانجەی ئەو گرفتانەی ماون لەنێوان هەردوو وەزارەتی دارایی کوردستان و عێراق چارەسەربکرێن بۆ ئەوەی بۆ مووچەی مانگی دوو هەموویان یان بەشێکیان چارەسەرکرابن.

 

لەلایەکی دیکەوە: تیمێکی دیکەی تەکنیکی وەزارەتی دارایی و ئابووری هەرێمی کوردستان لە بەغدان، ئەم تیمەیان لەبارەی میلاک (بەهەمیشەییکردنی فەرمانبەرانی گرێبەست و دەستپێکردنەوەی دامەزراندنی فەرمانبەرانی نوێ) گفتوگۆ دەکەن، قسەش لەسەر پڕکردنەوەی شوێنی ئەو سێ تەمەنە دەکرێت کە پێکەوە خانەنشینکراون.