شێخ دارا داوایەک ئاراستەی حکومەت دەکات

 

ئاڤا نیوز

چەند ڕۆژێکە شەپۆلێکی بەفر و بارانبارین ڕووی لە شارەکانی هەرێمی کوردستان کردووە، شێخی کەش و هەواش دەڵێت 'تاوەکو ڕۆژی دووشەممە شەپۆلەکە بەردەوام دەبێت'.

لێدوانی فەرمی: شێخ دارا، پێشکەشکاری کەش و هەوا لە ئاڤا میدیا، ڕایگەیاند: لە سەرتاسەری هەرێمی کوردستان، ئەمشەو بەفر و بارانبارینی سەخت دەستپێدەکات و پلەکانی گەرما دادەبەزێت، ئەم شەپۆلە تاوەکو ڕۆژی دووشەممە ئەگەری بەردەوامی دەبێت.

زانیاری زیاتر: شێخی کەش و هەوا دەڵێت: ڕۆژی شەممە بارانبارینی سەخت لە سلێمانی و دەوروبەری دەبێت، ئەگەر هەیە کە بەفریشی لەگەڵ بێت، هەروەها ئەگەری بەفربارین لە ناو شاری هەولێر و کەرکووکیش هەیە.

شێخ دارا داوایەک ئاراستەی حکومەتی هەرێمی کوردستان و بەرپرسی ئیدارەی شارەکان دەکات، خوێ لەسەر شەقامەکانی ناو شار و دەرەوەی شار بڕێژن، بۆ ئەوەی ڕێگری لە ڕووداوی هاتووچۆ بکات.

بۆچی گرنگە: هاتنی ئەم شەپۆلە بەفر و بارانە بۆ ناوچەکانی هەرێمی کوردستان، مەترسییەکانی وشکەساڵی دەڕەوێنێتەوە و دڵنەوایی بە جووتیارن دەدات، کە ئەمساڵ بەروبوومی باشیان هەبێت.