ئەمریکا بەکارهێنانی پاسی گشتی لە کارمەندانی باڵیۆزخانەکەی لە ئیسرائیل قەدەغە دەکات

ئاڤا نیوز

حکومەتی ئەمریکا بڕیاری دا، پاسی گشتی لە کارمەندانی باڵیۆزخانەکەی لە ئیسرائیل قەدەغە بکات، دوای ئەوەی تەقینەوەیەک لەنێو وێستگەیەکی پاس لە تەلئەبیب ڕووی دا.

ڕاگەیێنراوی فەرمی: باڵیۆزخانەی ئەمریکا لە ئیسرائیل ڕایگەیاند: بەهۆی تەقینەوەکانی دوێنێی تەلئەڤیڤ، دەبێت کارمەندەکانمان و خێزانەکانیان بۆ ماوەی 14 ڕۆژ لە سەرتاسەری ئیسرائیل خۆیان لە بەکارهێنانی پاسی گشتی و شەمەندەفەری سووک بەدوور بگرن.

زانیاریی زیاتر: دوێنێ پێنجشەممە، تەقینەوە و ئاگرکەوتنەوە لە سێ پاس لەناو وێستگەیەکی پاس لە "بات یام" و "حۆلۆن" لە نزیک تەلئەڤیڤ ڕوویدا، دوای ئەوە بۆ ماوەیەکی کاتی گواستنەوەی گشتی لە سەرانسەری ئەو وڵاتە ڕاگیران.

ئەوەی پێویستە بیزانیت: دوابەدوای ئەو ڕووداوە، سوپای ئیسرائیل هێزی زیاتری ڕەوانەی کەناری ڕۆژئاوا کرد بۆ درێژەدان بە هێرشە بەرفراوانەکانیان کە ماوەی مانگێکە بەردەوامە لە کەمپەکانی جەنین، تۆڵکەڕەم و توباس لە کەناراوی ڕۆژئاوا لە فەلەستین.