عێراق: سەرەڕای هەناردەی نەوتی کوردستان پابەندی ڕێککەوتنی ئۆپیک پڵەسین

ئاڤا نیوز

 

وەزارەتی نەوتی عێراق ڕایگەیاند، سەرەڕای دەستپێکردنەوەی هەناردەی نەوتی هەرێمی کوردستان، بەڵام بە تەواوی پابەندیی ڕێککەوتنی ئۆپیک پڵەسن بۆ کەمکردنەوەی هەناردەی نەوت و پاراستنی نرخی وزە.

 

ئەوەی پێویستە بیزانیت: ئەگەری دەستپێکردنەوەی هەناردەی نەوتی کوردستان کە لە قۆناغی یەکەمدا کە بڕەکەی 185 هەزار بەرمیل دەبێت، ئەمڕۆ نرخی نەوتی لە جیهاندا چەند سەنتێک دابەزاند، ئێستا بەرمیلێک نەوتی برێنت بە  74 دۆلار و 33 سەنت مامەڵەی پێوەدەکرێت.

 

ڕاگەیێنراوی فەرمی: وەزارەتی نەوتی عێراق لە ڕاگەیێنراوێکدا: 

 

- بە تەواوی پابەندین بە ڕێککەوتنی ئۆپیک پڵەس بۆ کەمکردنەوەی هەناردەی نەوت و ڕێکاری پێویستیش گیراوەتەبەر بۆ قەرەبووکردنەوەی ئەو زیادکردنی هەناردەیەی لە ماوەی ڕابردوودا عێراق هەیبووە.
 
-مانگی یەکی ئەمساڵ عێراق ڕۆژانە 3.999 ملیۆن بەرمیل نەوتی هەناردە کردووە و ئەوەش ئاماژەی پەباندبوونمانە بە ڕێککەوتنی ئۆپیک پڵەس

 

-وەزارەتی نەوت پابەندی ڕێککەوتنەکانە بۆ کەمکردنەوەی ئارەزوومەندانەی نەوت و قەرەبووکردنەوەی زیادەی بەرهەمهێنان، ئەویش بە ئامانجی پاراستنی نرخی وزە.