بەبۆنەی لە دایکبوونی بارزانیی نەمر هەڵمەتێکی نەمام چاندن بەڕێوەچوو

 

ئاڤا نیوز

بەبۆنەی ساڵڕۆژی لە دایکبوونی بارزانیی نەمر، بە ئامادەبوونی پارێزگار و قایمقامی ناوەندی هەولێر، هەڵمەتێکی نەمام چانەن لە شاری هەولێر بەڕێوەچوو.

چیرۆکی سەرەکی: بە مەبەستی زیادکردنی ڕێژەی سەوزایی و رەخساندنی ژینگەیەکی جوان و شایستە بۆ هاوڵاتیانی هەولێری پایتەخت، ئەمرۆ هەینی 2025-03-14، بە ئامادەبوونی ئومێد خۆشناو، پارێزگاری هەولێر و نەبەز عەبدولحەمید، قائیمقامی قەزای ناوەندو کارزان عەبدولهادی، سەرۆکی شارەوانی هەولێر و بەرێوبەری ئەندازەی پارکەکان و ژمارەیەک لە ئەندازیارو فەرمانبەران، بەبۆنەی ساڵرۆژی لەدایکبوونی بارزانیی نەمر، هەڵمەتێکی فراوانی نەمام چاندنی لە ڕێگەی سەرەکی گەرەکی هەولێری نوێ بەڕێوەچوو.

بۆچی گرنگە: هەڵمەتەکانی نەمام چاندن و گرنگی دان بە ڕێژەی سەوزایی مەبەست لێی پاککردنەوەی ژینگەی شاری هەولێرە کە کابینەی نۆیەمی حکومەتی هەرێمی کوردستان گرنگییەکی تایبەتی بە کەرتی ژینگە و پاک ڕاگرتنی کوالێتی کەش و هەوا داوە.