دیوانی چاودێری دارایی عێراق و کوردستان وردبینی وەرزی دەکەن

ئاڤا نیوز

هەردوو دیوانی چاودێریی هەرێمی كوردستان و عێراق، ئامادەكاریی بۆ وردبینیكردنی وەرزیی دەكەن، بۆ ئەو مەبەستە وەزارەتی دارایی ئاگادارییەك ئاراستە وەزارەت و دەستە و ئەنجوومەنەكان دەكات.

داواکاری فەرمی: وەزارەتی دارایی لە ئاگادارییەكەدا ناوی سەرجەم ئەو وەزارەت و دەستە و ئەنجوومەنانەی نووسیوە كە تاوەكو ئێستا میلاكاتی مانگەكانی یەک و دوو و سێی ساڵی 2025ـیان نەناردووە.

زانیاریی زیاتر: بەپێی ئاگادارییەكە حەوت وەزارەتی میلاكی مانگی یەك، 15 وەزارەت و ئەنجوومەن و دەستە میلاكی مانگی دوو، 23 وەزارەت و دەستەش داتای میلاكی مانگی سێییان بۆ وەزارەتی دارایی نەناردووە.

وەزارەتی دارایی داوا دەكات تاوەكو ڕۆژی 16ـی ئەم مانگە، سەرجەم ئەو وەزارەت و دەستانە داتای میلاكاتیان بۆ بەڕێوەبەرایەتیی گشتیی بودجە و میلاکات بنێرن بە مەبەستی ووردبینیکردن و یەکخستنی داتاکان.