ڕاوێژکارێکی سوودانی هۆکارەکانی پشت دابەزینی بەهای دۆلار ئاشکرا دەکات

ئاڤا نیوز

ڕاوێژکاری دارایی و ئابووری سەرۆکوەزیرانی عێراق هۆکارەکانی پشت دابەزینی بەهای دۆلاری ئەمریکی بەرامبەر بە دیناری عێراقی لە بازاڕی ناوخۆییدا لە چەند ڕۆژی ڕابردوودا ئاشکرا دەکات.

وێنە گەورەکە: ڕێوشوێنەکانی ئەمریکا و لێدوانەکانی سەرۆکی ئەمریکا لە چەند هەفتەی ڕابردوو وایکرد، هەم بەهای دۆلار زیاتر دابەزێت و هەمیش نرخی زێڕ بە ڕێژەیەکی بەرچاو بەرزببێتەوە. ترەمپ ئامانجیەتی بە مەبەست بەھای دۆلار دابەزێنێت بۆ ئەوەی شەڕی بازرگانی پێکات بەرامبەر بە چین.

لێدوانی فەرمی: مەزهەر محەممەد ساڵح، ڕاوێژکاری دارایی و ئابووری سەرۆکوەزیرانی عێراق بە ئاڤا میدیای ڕاگەیاند: سێ فاکتەری گرنگ هەن کە بوونەتە هۆی دابەزینی بەهای دۆلار بەرامبەر بە دینار و بەهێزبوونی لە بازاڕی هاوتەریبدا، بەهۆی کەمبوونەوەی داواکاری لەسەر دۆلاری نەختینەیی:

هۆکارە زانراوەکان:

فاکتەری یەکەم: سیاسەتی گواستنەوەی دەرەکی نوێ کە بانکی ناوەندی عێراق بە سەرکەوتوویی پەیڕەوی کرد لە سەرەتای ساڵی 2025، کە بریتی بوو لە هەڵوەشاندنەوەی پلاتفۆرمی پابەندبوون و سنووردارکردنەکانی بۆ پاڵپشتی بازرگانی دەرەکی کەرتی تایبەت لە وڵاتەکەماندا و پەنابردن بۆ سیاسەتی بەهێزکردن بە دراوی بیانی بۆ نوێنەرایەتییەکانی بانکە نیشتمانییەکان لە دەرەوە بە دۆلار و دراوەکانی دیکە لە بری ئەوە.

فاکتەری دووەم: ئەو ترسانەن کە پەیوەندیان بە هەڵگرتنی دۆلاری نەقدییەوە هەیە و پەنابردن بۆ زێڕ وەک پەناگەیەکی ئارام بۆ پاراستنی سامان و هەڵسوکەوتێکی پاشەکەوتکاری دوور لە سیاسەتی دراوی ناڕوونی ویلایەتە یەکگرتووەکانی ئەمریکا.

فاکتەری سێیەم: ڕاهاتنی گەشتیارانی نیشتمانییە لەسەر هەڵگرتنی کارتی پارەدانی ئەلیکترۆنی لە خەرجییەکانیان لە دەرەوەی وڵات، دوای ئەوەی کە کولتووری پارەدانی دیجیتاڵی لە وڵاتەکەماندا لە دوو ساڵی ڕابردوودا بە شێوەیەکی چڕ بڵاوبووەتەوە.