دوای هێرشەکەی ئیسرائیل نرخی نەوت و زێر بەرزبووەوە

ئاڤا نیوز

 

دوای هێرشە فراوانەکەی ئیسرائیل بۆ سەر چەندین دامەزراوە و ناوەندی سەربازی ئێران، نرخی نەوت و زێر بەرزبووەوە و بەهای بیتکۆینیش دابەزی. 

 

چیرۆکی سەرەکی: بەرەبەیانی ئەمڕۆ هەینی، سوپای ئیسرائیل هێرشیکی بەرفراوانی کرد سەر چەند ناوەندێکی ئەتۆمی و زیاتر لە پێنج بنکەی سەربازی و ماڵی چەندین بەرپرسی سەربازی سوپای پاسدارانی ئێران و بەهۆیەوە شەش فەرماندەی باڵای ئەو وڵاتە کوژراون. لەبەرامبەر ئەوەدا ئێران سەد درۆنی ئاراستەی ئیسرائیل کرد. 

 

زانیاریی زیاتر: هەر دوای هێرشەکەی ئیسرائیل، نرخی مسقاڵێک زێری عەیار 21 بەرزبوویەوە بۆ 690 هەزار دینار لە بازاڕەکانی جیهان نرخی هەر ئۆنسەیەک زێر لە ئاستەکانی 3425 دۆلار دایە، ئەمە لە کاتێکدایە دوێنی پێنجشەمە نرخی ئۆنسەیەک زێر 3380 دۆلار بوو. 

- هاوکات گرژییەکان کاریگەریی ڕاستەوخۆیان کردووەتە سەر بەرزبوونەوەی نرخی نەوتی خاویش بەڕێژەی 10٪ بۆ هەر بەرمیلێک، نرخی بەرمیلێک نەوتی خاو لە بازاڕەکانی جیهان بەرزبووەتەوە بۆ 75 دۆلار و 80 سەنت و نرخی نەوتی خۆرئاوای تێکساس بەرزبووەتەوە بۆ 74 دۆلار و 70 سەنت.

لەلایەکی دیکەوە: ئەو هێرشانە کاریگەرییان کردووەتە سەر بازاڕی دراوە ئەلیکترۆنییەکان و  نرخی  بیتکۆین دابەزیوە بۆ 104 هەزار و 480 دۆلاری ئەمریکی.