نرخی زێڕ بەرز دەبێتەوە

ئاڤا نیوز

گۆڕانکارییە ئابووری و سیاسییە خێراکان لە ناوچەکەدا کاریگەریان لەسەر نرخی زێڕ دروست کردووە، سەندیکاری زێڕەنگەرانیش دەڵێت 'نرخی زێڕ بەرزبووەتەوە'.

لێدوانی فەرمی: سەفین وەرتی، ئەندامی سەندیکای زێڕەنگەرانی هەولێر، بە ئاڤا میدیای ڕاگەیاند: بەرزبوونەوەی بەهای دینار بەرامبەر بە دۆلار لە بۆرسە و گۆڕانکارییە خێراکان لە ناوچەکەدا و کڕینی بەردەوامی زێڕ لەلایەن ئەمریکا و چین و هیندستانەوە، کاریگەری لەسەر بەرزبوونەوەی نرخی زێڕ دروست کردووە.

زانیاریی زیاتر: بە وتەی ئەندامەکەی سەندیکای زێڕەنگەرانی هەولێر، ئەمڕۆ بە بەراورد بە دوێنێ، لە هەر مسقاڵێکی زێڕدا پێنج هەزار دینار نرخەکە بەرزبووەتەوە.

ئەمڕۆ دووشەممە نرخی زێڕ بەم شێوەیەیە:

٠ یەک مسقاڵ زێڕی عەیار 18 بە 560 هەزار دیناری عێراقییە.

٠ مسقاڵێک زێڕی عەیارە 21 بە 653 هەزار دیناری عێراقییە.

٠ نرخی یەک مسقاڵ زێڕی عەیارە 22 بە 684 هەزار دیناری عێراقییە.

٠ نرخی یەک ئۆنسە زێڕ بە سێ هەزار و 290 دۆلاری ئەمریکییە.