بەهای دینار بەرامبەر بە دۆلار بە شێوەیەكی بەرچاو دابەزی

ئاڤا نیوز

ئەمڕۆ بەهای دینار بەرامبەر بە دۆلار لە بازاڕەکانی هەرێمی کوردستاندا دابەزی، وتەبێژی بازاڕی دۆلاری هەولێریش دەڵێت' ئەو گۆڕانكارییە كاتییە'.

لێدوانی فەرمی: کەیفی خۆشناو، وتەبێژی بازاڕی دۆلاری هەولێر بە ئاڤا میدیای ڕاگەیاند: نیوەڕۆی ئەمڕۆ نرخی 100 دۆلار بوو بە 143 هەزار دینار، بەڵام ئێوارە نرخەکە بۆ 142 هەزار و 500 دینار دابەزی و پێشبینی دەكەین نرخەكەی زیاتر دابەزێت.

هۆکارە زانراوەکان: وتەبێژی بازاڕی دۆلاری هەولێر  گوتیشی: حەشدی شەعبی دەیەوێت یاسای تایبەت بە خۆی لە پەرلەمان تێبپەڕێنێت و ئەمریکا دژی ئەمەیە، لەلایەكی دیکە بابەتی ڕۆشتنی هێزەکانی ئەمریکا لە عێراق لەلایەن بەشێك لە خاوەن نووسینگەكان و كاسبكارانی بازاڕەكە  گەورە كراوە و ئامانجیان ساخکردنەوەی دۆلارەکانیانە، هەروەها زیارەتکارانی ئێرانیش لەگەڵ خۆیان دۆلاریان بردووە، ئەمانە هەموویان هۆكاری ئەو گۆڕانكارییەی ئەمڕۆی بەهای دینار بەرامبەر بە دۆلارن.

زانیاریی زیاتر: بە وتەی کەیفی خۆشناو، دابەزینی بەهای دینار بەرامبەر بە دۆلار كاتییە، چونکە هیچ شتێکی وا ڕووینەداوە.