نرخی زێڕ بەردەوامە لە بەرزبوونەوە

ئاڤا نیوز

نرخی زێڕ بەردەوامە لە بەرزبوونەوە، یەک مسقاڵ زێڕی عەیار 21 گەیشتە 720 هەزار دینار، ئەمەش ڕیکۆردێکی نوێی نرخی زێڕە.

چیرۆکی سەرەکی: لە بازاڕەکانی هەرێمی کوردستان و جیهان، نرخی زێڕ بەردەوامە لە بەرزبوونەوە، نرخی ئۆنسەیەک زێڕ سێ هەزار و 500 دۆلاری تێپەراند، ئەمەش ڕیکۆردێکی پێوانەیی نوێیە لە نرخی زێڕ.

لێدوانی فەرمی: هەندرێن وەرتی، سەرۆکی سەندیکای زێڕنگەرانی هەولێر بە ئاڤا میدیای گوت: ئەمڕۆ جارێکی دیکە نرخی زێڕ بەرزبووەوە و یەک مسقاڵ زیڕی عەیار 21 گەیشتە 720 هەزار دینار بەراورد بە حەوت ڕۆژی ڕابردوو هەر مسقاڵێک 30 هەزار دینار لە نرخەکەی بەرز بووەتەوە.

هۆکارە زانراوەکان: ئەگەرەکانی دابەزاندنی رێژەی سووی بانکی لە ئەمریکا و ئاڵۆزییەکانی جیهان(شەڕی ڕووسیا و ئۆکرانیا، گرژییەکانی نێوان ئەمریکا و ڤەنزوێلا، مەترسی سەرهەڵدانەوەی شەری نیوان ئێران و ئیسرائیل)، کاریگەرترین هۆکاری بەرز بوونەوەی نرخی زێڕن.

زانیاریی زیاتر:  ئەمڕۆ یەکشەممە، 7-9-2025 نرخی زێر لە بازاڕەکانی هەرێمی کوردستان بەگوێرەی دانانی نرخەکەی لەلایەن سەندیکای زێرنگەرانەوە بەم شێوەیە مامەڵەی پێوە دەکرێت:-

- یەک مسقاڵ زێڕی عەیار22: 755 هەزار دینار

- یەک مسقاڵ زێڕی عەیار 21:  720 هەزار دینار

- یەک مسقاڵ زێڕی عەیار 18:  617 هەزار دینار