پارەی کارمەندانی سەر سندووقی دەنگدان دیاری دەكرێت

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق، پارەی کارمەندانی سەر سندووقی دەنگدانی دیاری کردووە و بەپێی بەرپرسیارییەتی شایستەکانیان وەردەگرن. 

وێنە گەورەکە: بڕیارە 11-11-2025 هەڵبژاردنی ئەنجوومەنی نوێنەرانی عێراق بەڕێوەبچێت، لە چوارچێوەیەدا ئامادەکارییەکان بۆ پرۆسەکە بەردەوامە و ئێستاش شایستەی کارمەندانی کۆمیسیۆن بەگوێرەی بەرپرسیارییەتیان جیاکراوەتەوە. 

لێدوانی فەرمی: نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای هەڵبژاردنەکای عێراق بە ئاڤا میدیای ڕاگەیاند: ڕۆژی 10-9-2025، پارەی کارمەندانی سەر سندووقی هەڵبژاردن دیاری کراوە.

زانیاریی زیاتر: ئەو کەسانەی شایستەی داراییان لەلایەن کۆمیسیۆنەوە بۆ دیاریکراوە دابەشکراون بەسەر دوو گرووپ:

ئەو کەسانەی کە فەرمانبەری حکومەتن:- 

-سەرپەرشتیاری چەند قوتابخانەیەک بڕی 300 هەزار دیناری بۆ دیاری کراوە.

-بەڕێوەبەری وێستگەی دەنگدان 200 هەزار دیناری بۆ دیاری یکراوە.

-ئەو کەسانەی لەسەر ئامێرەکانی دەنگدان دانراون 150 هەزار دیناریان بۆ دیاری کراوە.

- ئەو کەسانەی کە دەرچووی زانکۆکان:- 

- سەرپەرشتیاری چەند قوتابخانەیەک بڕی 400 هەزار دیناری بۆ دیاری کراوە.

-بەڕێوەبەری وێستگەی دەنگدان 300 هەزار دیناری بۆ دیاری کراوە.

-ئەو کەسانەی لەسەر ئامێرەکانی دەنگدان دانراون 250 هەزار دیناریان بۆ دیار کراوە.