مووچەی مانگی چواری پێشمەرگە و هێزە ئەمنییەکان دەنێردرێت

ئاڤا نیوز

سەرچاوەیەک لە وەزارەتی دارایی و ئابووریی هەرێمی کوردستان ئاشكرای كرد، سبەی دووشەممە مووچەی مانگی چواری پێشمەرگە و هێزە ئەمنییەکان دەخرێتە سەر هەژماری بانکی وەزارەتی دارایی.

وێنە گەورەکە: دوای ڕێککەوتنی حکومەتی هەرێمی کوردستان و عێراق، لەبارەی چارەسەرکردنی کێشەی مووچەی هێزە ئەمنییەکان، دەست بە ناردنی پارە بۆ مووچەی پێشمەرگە و هێزە ئەمنییەکان کرا.

زانیاریی بەدەستهاتوو: سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوزی گوت: سبەی دووشەممە 10-06-2024 مووچەی مانگی چواری هێزە ئەمنییەکان دەخرێتە سەر هەژماری وەزارەتی دارایی و مووچەکانیان دابەش دەکرێت.

ئەوەی پێوستە بیزانیت: ناوی 282 هەزار پێشمەرگە و کارمەندی هێزە ئەمنییەکان ڕەوانەی بەغدا دەکرێت، 352 ملیار دینار تێچووی مووچەکەیانە.