نرخی نەوت لە بازاڕەكانی جیهاندا بەرزبووەوە

ئاڤا نیوز

ئەمڕۆ نرخی یەک بەرمیل نەوت لە بازاڕەکانی جیهاندا بە زیاتر لە 83 دۆلار مامەڵەی پێوەدەکرێت، بەراورد بە چەند ڕۆژی ڕابردوو 61 سەنت بەرزبووەتەوە.

وێنە گەورەکە:  نرخی نەوت لە بازاڕەکانی جیهاندا لە گۆڕانکارییدایە، لە سێ ڕۆژی ڕابردوودا، 61 سەنت بەرزبوەتەوە.

ژمارەکان وادەڵێن:
نرخی یەک بەرمیل نەوتی برێنت؛ ئەمڕۆ 83 دۆلار و 47 سەنتە 
نرخی یەک بەرمیل نەوتی ئۆپیک؛ ئەمڕۆ 82 دۆلار و 88 سەنتە
نرخی یەک بەرمیل نەوتی تێکساس؛ ئەمڕۆ بە 79 دۆلار و 19 سەنتە.

 ئەوەی پێویستە بیزانیت؛ هەریەک لە ئەمریکا و ئۆپیک دوو گەورەترین بەرهەمهێنەری نەوتن لە جیهاندا، کە ڕاستەوخۆ کاریگەرییان لەسەر بەرزبوونەوە و نزمبوونەوەی نرخی نەوت هەیە، هەر کاتێک عەمبارەکان پڕبن و خواست لەسەر نەوت کەمبکات، نرخی نەوت دادەبەزێت و بەپێچەوانەشەوە.