ڕێژەی 17.5%ـی خەڵكی عێراق هەژارن

ئاڤا نیوز

توێژەرێكی كاروباری ئابووری ڕایدەگەیەنێت، ڕێژەی هەژاری لە عێراق لە 23%ـەوە بۆ 17.6% دابەزیوە.

 

وێنە گەورەكە: سەرەڕای ئەوەی عێراق لەڕووی زۆری سەرچاوە سروشتییەكان و بەپیتی خاكەكەی، بە یەكێك لە وڵاتە دەوڵەمەندەكانی جیهان هەژماردەكرێت، كەچی دۆخی هەژاری و بێكاری لەو وڵاتە لە ئاستێكی مەترسیدار دایە.

لێدوانی فەرمی: جەلیل لامی، ئابووریناسی ناسراوی عێراق ئاماژە بەوە دەكات، هەوڵەكانی حكومەت بۆ كەمكردنەوەی ڕێژەی هەژاری و بێكاری بەرهەمی هەبووە و ساڵی 2024 ڕێژەی هەژاری بۆ 17.6% دابەزیوە بەراورد بە ساڵی 2023 كە ڕێژەكە 23% بوو.

 

هاوكات ڕێژەی بێكاری لە 16.5%ـەوە بۆ 14.4% دابەزیوە، ئەویش لەڕێگەی دامەزراندنی هەزاران دەرچووی زانكۆ و پەیمانگەكان و پڕۆژەكانی دۆزینەوەی هەلی كار بۆ گەنجان.

 

لەلایەكی دیكە: ئەحمەد ئەسەدی، وەزیری كار و كاروباری كۆمەڵایەتی حكومەتی عێراق ڕایدەگەیەنێت، لەڕێگەی دابەشكردنی سەبەتەی خۆراك بەسەر خێزانە كەمدەرامەتەكان، توانیویانە ڕێژەی هەژاری لە عێراق بەتایبەت لە پارێزگاكانی باشوور و ناوەڕاست نزم بكەنەوە و تەنیا لە ساڵی 2024، زیاتر لە 123 هەزار خێزان كە 460 هەزار ئەندام دەگرێتە خۆی، سەبەتەی خۆراكیان لەڕێگەی تۆڕی هاوكاری كۆمەڵایەتیەوە پێدراوە.