خشتەی مووچەی خانەنشینانی هەرێمی کوردستان هاوتای عێراق دەکرێت

ئاڤا نیوز

وەزارەتی دارایی نووسراوێک ئاراستەی بەڕێوەبەرایەتییەکانی خانەنشینی دەکات و داوا دەکات هاوشێوەی بەغدا خشتەی مووچەی خانەنشینانی کوردستان ئامادە بکەن، بۆ ئەوەی 12 مووچەکەی ئیکرامییەیان بێ کێشە بۆ خەرج بکرێ.

وێنە گەورەکە: وەزارەتی دارایی و ئابووری هەرێمی کوردستان نووسراوی بۆ سەرجەم وەزارەت و فەرمانگەکانی حکومەت کردووە، داوایان لێدەکات خشتەی مۆڵەتە کۆکراوەکان و موکافەئاتی خانەنشینە مەدەنی و سەربازییەکان و چاودێری کۆمەڵایەتی هاوشێوەی بەغدا ئامادە بکەن.

وەزارەتی دارایی کوردستان نایەوێت هیچ جیاوازییەک لەنێوان خانەنشینانی هەولێر و بەغدا هەبێت، بۆ ئەوەی مووچەی خانەنشینان هاوشێوەی بە‌غدا خەرج بکرێ و ئیکرامیەکەش بەبێ کێشە خەرج بکرێ.

زانیاریی تایبەت: سەرچاوەیەک لە بەڕێوەبەرایەتیی گشتیی خانەنشینی کوردستان بە ئاڤای گوت، هاوتاکردنی ئەو خشتەیە بۆ خەرجکردنی ئەو 12 مووچەیە کە لەلایەن وەزارەتی دارایی حکومەتی فیدڕالی بۆ خانەنشینانی نوێ خەرج دەکرێت.

ئەوەی پێویستە بیزانیت: خانەنشینانی نوێ ژمارەیان زیاترە لە 25 هەزار کەسە. هەروەها ئەوانەی ئەوانەی خزمەتیان هەیە 12 مووچە وەک پاداشت وەردەگرن.