دەروازەیەکی دیکەی بازرگانی لەنێوان هەرێمی کوردستان و ئێران دەکرێتەوە

ئاڤا نیوز

ئومێد خۆشناو، پاڕێزگاری هەولێر لەمیانی سەردانێکی چەند ڕۆژەی بۆ ئێران، پرسی کردنەوەی دەروازەی کێلەشینی لەگەڵ بەرپرسانی حکومەتی ئێران تاووتوێ کردووە.

وێنە گەورەکە: پرسی کردنەوەی دەروازەی کێلەشین زیاتر لە نۆ ساڵە هەیە، بەڵام بەهۆی ئەوەی ئێران خزمەتگوزارییەکانی ڕێگا و کارەبای بۆ دەروازەکە نەبردووە، تاوەکو ئێستا نەتوانراوە دەروازەکە بەڕووی هاتووچۆی بازرگانیدا بکرێتەوە.

لێدوانی فەرمی: ئومێد خۆشناو، پارێزگاری هەولێر سەبارەت بە کردنەوەی دەروازەکە دەڵێت: لەگەڵ بەرپرسانی حکومەتی ئێران هاوڕابووین هەرچی زووە کارەکانی کردنەوەی دەروازەی کێلەشین تەواوبکرێت و جووڵەی بازرگانی دەستپێبکات.

ئەوەی پێویستە بیزانیت: دەروازەی بازرگانیی کێلەشین دەکەوێتە قەزای سیدەکان لە ئیدارەی سەربەخۆی سۆران، لە دیوی ڕۆژهەڵاتی کوردستانیشەوە نزیکە لە شاری شنۆ و بە کردنەوەی ئەو دەروازەیەش جووڵەی بازرگانی نێوان هەرێمی کوردستان و ئێران دەچێتە قۆناغێکی دیکەوە.