ڕاگەیێنراوێک لە وەزارەتی سامانە سرووشتییەکان لەبارەی هەناردەکردنەوەی نەوت

ئاڤا نیوز

 

وەزارەتی سامانە سرووشتییەکانی کوردستان دەستپێکردنەوەی هەناردەی نەوتی کوردستان ڕاگەیاند و گوتی، کاتژمێر (7:00)ی بەیانیی ڕۆژی شەممە (27)ی ئەیلولی 2025 هەناردەکردنەوەی نەوتی هەرێمی کوردستان لە ڕێگەی بۆڕی نەوتی کەرکووک - جەیهان بە سەرکەوتووانە دەستیپێکرد.

 

چیرۆکی سەرەکی: دوای دوو ساڵ و شەش مانگ لە ڕاگیرانی، کاتژمێر 6ـی بەیانیی ڕۆژی شەممە، دوای ڕێککەوتنی سێقۆڵیی نێوان کوردستان- عێراق- کۆمپانیا نەوتییەکان، نەوتی کوردستان لە کێڵگەی خورمەڵەوە هەناردەی فیشخابوور کرا و لەوێوەش هەناردەی بەندەری جەیهان لە تورکیا کرا.

 

لەلایەکی دیکە: ئەمڕۆ شەممە لەمیانی وتارێکیدا بەبۆنەی تێپەڕبوونی 1700 ساڵ بەسەر دامەزراندنی یەکەم ئەنجوومەنی قەشەکان لە کلێسای نیقیە، سەرۆکوەزیران مەسرور بارزانی باسی هەناردەکردنەوەی نەوتی کوردستانی کرد و ڕێککەوتنی نەوتی لەگەڵ حکومەتی فیدراڵ "بەدەستکەوتێکی گەورە بۆ هەموو عێراق و کوردستان" ناوبرد

 

سەرۆکوەزیران ستایشی هەوڵەکانی واشنتنی لەبارەی هەناردەکردنەوەی نەوت کرد و گوتی، "ئەمریکا پاڵپشتێکی گەورەی سەرخستنی پڕۆسەی هەناردەکردنەوەی نەوتی کوردستان بوو". 

 

زانیاریی زیاتر: لایخۆیەوە وەزارەتی نەوتی عێراق لەبارەی هەناردەکردنەوەی نەوتی کوردستان ڕایگەیاند: ئەم پێشهاتە هەنگاوێکی بەرچاوە بۆ بەهێزکردنی بەڕێوەبردنی سامانی نیشتمانی بە گیانی هاوبەشی و هەماهەنگییەکی بەرز، بە شێوەیەک کە یارمەتیدەر بێت لە دڵنیابوون لە بەردەوامی هەناردەکانی نەوت و پشتگیری کردنی ئابووریی نیشتمان.