لە سەرەتای ئەمساڵەوە 100 هەزار کەس پەیوەندییان بە سوپای ڕووسیاوە کردووە

ئاڤا نیوز

 

لە سەرتای ئەمساڵەوە 100 هەزار کەس گرێبەستی چوونە نێو ڕیزەکانی سوپای ڕووسیایان واژۆ کردووە؛ لەم ژمارەیە 16 هەزار کەسیان لە دوای هێرشەکەی سەر هۆڵێکی کۆنسێرتی مۆسکۆ، پەیوەندییان بە سوپاوە کردووە. 

 

ڕاگەیێنراوی فەرمی: وەزارەتی بەرگریی ڕووسیا ڕایگەیاند: "لەمیانەی ئەو چاوپێکەوتنانەی کە هەفتەی ڕابردوو لە ناوەندەکانی دەستنیشانکردن لە شارەکانی ڕووسیا کراون، زۆربەی بەربژێرەکان ویستی خۆیان بۆ سەندنەوەی تۆڵەی کوژراوانی ئەو تراژیدیایە نیشانداوە کە لە 22ـی ئادار لە ناوچەی مۆسکۆ بوونە قوربانی و ئەوەیان بە پاڵنەری سەرەکیی بەستنی گرێبەستی سەربازی داناوە".

 

ئەوەی پێویستە بیزانیت: لەگەڵ ئەوەدا داعشی خۆراسان بەرپرسیارێتیی هێرشەکەی سەر مۆسکۆی گرتە ئەستۆ، بەڵام ڕووسیا دەڵێت، هێرشکارەکان پەیوەندییان بە ئۆکرایناوە هەبووە. ئۆکرایناش چەندینجار ئەم تۆمەتەی ڕەتکردووەتەوە.