بایدن داوا لە سەرۆکی چین دەکات خاوەندارێتیی تیکتۆک بگۆڕێت

ئاڤا نیوز

 

یەکێک لە بابەتەکانی گفتوگۆ تەلەفۆنییەکەی نێوان سەرۆکی ئەمریکا و سەرۆکی چین، پرسی خاوەندارێتیی تیکتۆک بووە؛ لەکاتێکدا تیکتۆک زیاتر لە 170 ملیۆن بەکاربەری لە ئەمریکا هەیە.

 

لێدوانی فەرمی: جۆن کێربی، گوتەبێژی کۆشکی سپی ڕایگەیاند: "لە پەیوەندییە تەلەفۆنییەکەدا سەرۆکی ئەمریکا نیگەرانییەکانی خۆی سەبارەت بە خاوەندارێتیی تیکتۆک دووبارە کردووەتەوە".

 

زانیاریی زیاتر: تۆڕی کۆمەڵایەتیی تیکتۆک لەلایەن کۆمپانیای 'بایدت دانس'ەوە خاوەندارێتی دەکرێت؛ نیگەرانییەکانی ئەمریکا لەوەوەیە کە کۆمپانیاکە زانیاریی بەکاربەرانی بداتە حکومەتی چین. 

 

باکگراوند: مانگی ڕابردوو ئەنجوومەنی نوێنەرانی ئەمریکا بە زۆرینەی دەنگ پڕۆژە یاسایەکی تێپەڕاند کە بەهۆیەوە تیکتۆک ناچار دەکرێت لە ماوەی شەش مانگدا، خاوەندارێتییەکەی بگۆڕێت، ئەگەرنا لە ئەمریکا دادەخرێت و بایدنیش گوتویەتی، بڕیارەکە واژۆ دەکات.