بایدن بۆ نەتانیاهۆ: ئەمریکا بۆ شەڕێکی گەورە پەلکێش مەکە

جیهان
14 نیسان

شەیری بکە لە:

بایدن بۆ نەتانیاهۆ: ئەمریکا بۆ شەڕێکی گەورە پەلکێش مەکە

جۆ بایدن لە کۆنگرەیەکی ڕۆژنامەوانیدا دەستی لەسەر شانی بنیامین نەتانیاهۆ داناوە و گفتوگۆ دەکەن؛ سەرچاوە: DBI

ئاڤا نیوز

جۆ بایدن لە پەیوەندییەکی تەلەفەنۆنیدا هۆشداری بە نەتانیاهۆ دەدات ئەمریکا بۆ شەڕ و ململانێیەکی گەورە پەلکێش نەکات.

وێنە گەورەکە: لە وەڵامی هێرشی ئەمشەوی ئێران، ئیسرائیل هەڕەشەی تۆڵەکردنەوە و "وەڵامدانەوەی کەمەرشکێن" دەکات، ئەمریکاش لە پەرەسەندنی گرژییەکان نیگەرانە.

ئەوەی پێویستە بیزانیت: جۆ بایدن، سەرۆکی ئەمریکا دوای دەستپێکردنی هێرشەکە لەڕێگەی تەلەفونەوە قسەی لەگەڵ بنیامین نەتانیاهۆ، سەرۆکوەزیرانی ئیسرائیلی کرد و دوایین پێشهاتەکانیان تاوتوێ کرد.

زانیارییە بەدەستهاتووەکان: کەناڵی ئێن بی سی ئەمریکی بڵاوی کردووەتەوە، لە پەیوەندییە تەلەفۆنییەکەدا جۆ بایدن نەتانیاهۆی گوتووە ئەمریکا بۆ شەڕێکی گەورە پەلکێش مەکە.

زانیاریی زیاتر: چەند بەرپرسێکی ئەمریکی بە هەمان کەناڵیان گوتووە، لە واشنتن نیگەرانی هەیە لەبارەی وەڵامێکی خێرای ئیسرائیل لەبەرامبەر هیرشەکەی ئێران بێ بیرکردنەوە لە لێکەوتەکانی.

لەلایەکی دیکەوە: ئەمشەو جۆ بایدن بۆ هەمان بابەت لەگەڵ تیمی ئاسایشی نەتەوەیی ئەمریکا کۆبووە، دواتر لە پەیامێکدا پابه‌ندیی نه‌گۆڕی ئه‌مه‌ریكای بۆ پاراستنی ئاسایشی ئیسرائیل له‌به‌رده‌م مه‌ترسی و هه‌ڕه‌شه‌كانی ئێران و هاوپه‌یمانه‌كانی دووپات كرده‌وه‌.