قوباد تاڵەبانی: فەرمانبەرانی گرێبەست دەکرێنە هەمیشەیی و کێشەی وانەبێژان چارەسەر دەکرێت

ئاڤا نیوز

 

جێگری سەرۆکوەزیرانی هەرێمی کوردستان ڕایدەگەیێنێ، وەکو حکومەت بڕیاریان داوە فەرمانبەرانی گرێبەست بكرێنە هەمیشەیی و چارەسەر بۆ كێشەی وانەبێژانیش بدۆزنەوە.

لێدوانی فەرمی: قوباد تاڵەبانی لە لێدوانێکی ڕۆژنامەوانیدا بە ئاماژەکردن بەوەی شتێك نەماوە بە ناوی بودجەی سلێمانی و هەولێر و یەك بودجە و یەك داهات هەیە، ڕایگەیاند لەگەڵ وەزارەتە پەیوەندیدارەكان لە پەیوەندیدان بۆ دابینكردنی بودجەی پێویست بۆ دەستپێكردنەوەی پڕۆژەكان، ئەو پڕۆژانەی دەخرێنەوە كار لەسەر بودجەی حكومەتی هەرێمی كوردستانە نەك لەسەر بودجەی پارێزگاكان.

ئەوەی پێویستە بیزانیت: ماوەیەک لەمەوبەر سەرۆکوەزیران بارزانی تیمێکی  ڕاسپارد بۆ ئەوەی تەواوی فەرمانبەرانی گرێبەست پۆلێن بکرێن کە ژمارەیان نزیکەی 30 هەزار کەسە، دواتر قسە لەگەڵ حکومەتی عێراق دەکرێت بۆ ئەوەی هاوشێوەی فەرمانبەرانی ئەوان بکرێنە هەمیشەیی، بۆ مامۆستایانی وانەبێژیش کە ژمارەیان زیاتر لە 37 هەزار کەسە، بڕیارە گرێبەستیان بۆ بکرێت.